The Official Designer Eyewear Blog Of The Vision Direct SmartBuyGlasses Optical Group

焦點采訪:Kayla Short

焦點采訪:Kayla Short

SHARE
, / 384 0

係Huffington Post有自己專欄同擁有自己公司嘅Kayla Short係宜家時裝界最值得留意嘅新秀之一。佢係自己嘅博客Short Presents成日都俾粉絲睇下佢最近著咩衫,最近興咩,吸引大班人嘅注意。

當我地係今年初開始留意Kayla之後就越來越鍾意佢嘅style。佢Instagram上面嘅每一幅靚相都令我地目不轉睛,精心挑選嘅OOTD裝束令我地心花怒放。但係無論如何,我地都只係認識Instagram同博客上清新同歡樂形象嘅Kayla,毫不清楚佢其實係一個點樣嘅人。但係當我地同佢傾左一陣計,更加了解佢嘅心路歷程之後,我地可以肯定咁話Kayla唔止係一個靚樣咁簡單,而係一個極有内涵同諗法嘅女仔。

平凡出身

“當我話俾人知我其實係一個合專業資格嘅老師嘅時候好多人都非常驚訝。” Kayla津津樂道。由老師演搖身一變成爲時尚博客,真係一個意想不到嘅改變。“教書嘅時候為左記錄低自己最鍾意嘅食譜同分享自己嘅煮食心得就開創左Short Presents,”宜家Short Presents已經唔只係得關於美食嘅内容,但已經加插埋關於時尚,美容,同旅游嘅題材。

 

short-presents-kayla-smartbuyglasses-1   short-presents-kayla-smartbuyglasses-4

睇下Kayla個博客就可能覺得佢好似好容易就揾到自己嘅style,變成身爲時尚界嘅新寵,但係其實Kayla開始嘅時候都遇到好多難關。“我當時最大嘅困難就係一路做野一路寫blog。雖然我剩係教上午堂,所以終於有時間好好咁寫blog,但都係要好好咁規劃我嘅時間表。”除左對時間的規劃,Kayla對美國東岸嘅强風都提出不滿。佢笑道,“美國東岸風太過大啦,我個髮型成日都被吹散,條裙被吹起”

係童年時,Kayla一直都同其他小朋友唔同,鍾意嘅野都比較特別。例如Kayla嘅偶像都係一些比較有個性嘅明星,例如Elton John同Zsa Zsa Gabor。

kayla-short-short-presents-smartbuyglasses-elton-john short-presents-kayla-zsa-zsa-gabor

 細個嘅時候我媽咪成日叫我 Elton 或者 Zaza 因爲我成日都想扮靚化妝。 我會戴噻我媽咪全部首飾,着返對靚鞋,set好個頭,同埋梗係唔會唔記得我最心愛個副太陽眼鏡啦! – Kayla.

short-presents-kayla-smartbuyglasses-16 short-presents-kayla-smartbuyglasses-17

short-presents-kayla-smartbuyglasses-10 short-presents-kayla-smartbuyglasses-12

short-presents-kayla-smartbuyglasses-18 short-presents-kayla-smartbuyglasses-115

現時今日Kayla已經將自己比較funky嘅風格收起,改變成爲更加成熟同高貴嘅風格,變成一個真正嘅時尚達人。

對眼鏡嘅鍾

“我一直都有頭痛嘅問題所以太陽眼鏡對我黎講唔只係時裝,亦都係我嘅靈藥。我覺得墨鏡係完成成個look重要嘅一環,唔戴太陽我會覺得全身唔自在。”

Kayla同我地分享左佢今年對眼鏡嘅研究同佢最鍾情嘅款式,就等我地帶大家睇下啦!

short-presents-kayla-smartbuyglasses-7

short-presents-kayla-smartbuyglasses-givenchyshort-presents-kayla-smartbuyglasses-givenchy-1

“我特別鍾意Givenchy復古嘅風格。我最鍾意呢副眼鏡比較細嘅框,符合我比較細嘅面型。買反黑色嘅太陽眼鏡就最實惠,因爲我知道任何幾時都戴得!”

short-presents-kayla-smartbuyglasses-burberry

”我亦都鍾情龜殼色嘅眼鏡因爲佢同我頭髮顔色同膚色特別襯。”

short-presents-kayla-smartbuyglasses-23fashion blog

short-presents-kayla-smartbuyglasses-celine-caty short-presents-kayla-smartbuyglasses-celine-caty-1

”貓眼眼鏡無論幾時都係潮流嘅標志,擁有一副就無走失啦!”

私底下嘅Kayla

Kayla同其他時裝blogger唔一樣就係佢謙卑嘅態度,一點都唔囂張。

”Short Presents嘅成功唔但只靠我自己一個,我要多謝好多人對我嘅幫助,尤其是我男朋友,無左佢我一定唔會知道自己嘅潛質。由一開始幫我set up個blog,都宜家佢都成日幫我手。我日日都好感激佢對我嘅支持同幫助。因爲佢同我一樣擁有樂天嘅性格,所以佢成日都鼓勵我做自己,真係一個稱職嘅Instagram Husband。“

 

short-presents-kayla-smartbuyglasses-25

圖片中嘅Kayla正在等飛返屋企嘅飛機,準備獲得Huffington Post俾佢嘅成就獎(連加拿大總理同歌手Drake都有份參加)。

 

“雖然不停參加event好似好奢侈,但係其實我最鍾意就係係event裏面同人面對面交流。係現實世界同我嘅粉絲見面係我非常享受嘅事。” – Kayla.

short-presents-kayla-smartbuyglasses

kayla-short-short-presents-smartbuyglasses-1

short-presents-kayla-smartbuyglasses-26

Kayla宜家日日都好忙,雖然佢唔想交代太多關於自己之後嘅計劃,但係佢依然透露左小小俾我地聼。“我宜家策劃跟一些好玩嘅campaign希望帶俾大家。我係7月亦都會飛去紐約影靚相。雖然我已經去過New York兩次,但係我實在太鍾意呢個城市啦!黎近一定會記錄低我係呢個城市嘅一點一滴。”Kayla亦都籌備緊將佢自家品牌搬去社交網路嘅計劃。

“因爲我特別鍾意同人聯係,所以我對每一個社交網路平臺都情有獨鍾。我最近迷上左SnapChat因爲我覺得Snapchat可以俾大家睇下我比較私底下嘅一面。”

咁如果之後有時間Kayla會想做點咩?“一定係跳舞!我以前係肚皮舞老師,但係因爲變忙所以無時間維持身體嘅柔軟度。但係因爲我真係好中意跳舞,所以好想重新上堂。無論去到邊我都可以跳住舞同大聲唱我最鍾意嘅歌。”咁佢最奇怪嘅興趣呢?“我覺得我大部分興趣都好奇怪,99.9%嘅時間我都係到做緊奇怪嘅事。譬如我寧願幫人地揀衫好過幫自己買衫,我最鍾意幫助別人,我自己唔係好需要咩。”

short-presents-kayla-smartbuyglasses-28 short-presents-kayla-smartbuyglasses-29

fashion blog fashion blog

真係一個惹人愛惜嘅女仔!如果你想讀下Kayla個blog可以click入呢度,如果你想參考佢個style就一定要黎SmartBuyGlasses啦!

Image credits: pinterest /shortpresents.com